سوال

میں بچپن سے ہی معدے کی مریض ہوں ،مجھے اکثر ہی دست لگ جاتے تھے، پانچ سال ہوگئے  علاج کے لیے، ڈاکٹر، حکیم، ہومیوپیتھی ڈاکٹر سب کو دکھایا لیکن علاج سے بیماری اس قدر بڑھ گئی تھی کہ جو بھی کھاتی تھی قے آجاتی تھی، تقریباً ایک سال ایسے ہی گزرا کہ شدید قبض اور دن میں کئی بار قے آتی تھی، ایک بار علاج کروایا تو قے میں خون کے لوتھڑے آئے، خیر علاج بند کروادیا تھا، تو گھریلو ٹوٹکے سے قے وغیرہ آہستہ آہستہ کم ہوگئی اور قبض میں بھی بہتری آئی، یہ سب بتانے کا مقصد کہ میرا معدہ بچپن سے ہی کمزور اور دوائیوں سے مزید کمزور ہوچکا ہے، معدے کی بیماری کی وجہ سے مجھے گیس کا بہت مسئلہ تھا یہ زیادہ ٢٠٢٠ میں ہوا جب علاج چل رہا تھا، میں کئی بار وضو کرتی تھی لیکن گھر والے مجھے کہتے تھے بیٹا ایک بار وضو کر کے ہی پڑھ لیا کرو تو تقریباً بیماری میں ایک سال میں ایک وضو سے نماز پڑھتی رہی کیونکہ ہوا بہت خارج ہوتی تھی ۔پھر ایک سال بعد مجھے بہت شرمندگی ہوئی تو اللہ سے توبہ کی کہ آئندہ پروپر وضو سے نماز پڑھوں گی۔ پھر ایک سال پروپر وضو سے نماز پڑھنے کی پوری کوشش کی، تین سے چار بار وضو کرنا ہر بار ہر نماز کے لیے عمومی بات تھی، سات سے آٹھ بار بھی نمازوں کے لیے وضو کرتی تھی، کئی بار عشاء کی نماز بار بار وضو کے باوجود نہیں پڑھی جاتی تھی پھر تہجد میں اٹھ کے بھی کئی بار وضوکرتی تو بمشکل ہی فرض پڑھ پاتی، اتنی بیمار ہوگئی کہ کرسی پہ بیٹھ کر نماز بھی پڑھتی تھی کیونکہ کھڑے ہوتی تو فوراً وضو ٹوٹ جاتا تھا۔ شدید ڈپریشن کا شکار ہوگئی، بار بار وضو نے میری ذہنی حالت خراب کردی اور بار بار وضو سے مجھے مزید جسمانی امراض لگ رہی تھی، پھر میں نے ایک قرآن والی ٹیچر کو سب بتایا وہ فقہی مسائل بھی عالمہ سے پوچھ کے بتاتی ہے انہوں نے کہا آپ ایک وضو سے ہی نماز پڑھا کرو اور اس بارے میں مت سوچو،، اب میرا مسئلہ یہ ہے کہ میں نے تین مہینے اس سال ایک وضو سے فتویٰ پر عمل کیا،پھر لگا میں بہتر ہوگئی تو ایک مہینہ باربار وضو کیا پھر لگا کہ میں نہیں ٹھیک، بار بار وضو سے شدید تنگی اور ڈپریشن، دل چاہتا تھا نعوذبااللہ خود کو ختم کردوں پھر ٹیچر سے پوچھا تو انہوں نے کہا آپ ایک وضو سے پڑھا کرو، اب کوئی تین مہینے ہوگئے ایک وضو سے نماز پڑھتی ہوں لیکن دل مطمئن نہیں ہے، اللہ کے سامنے بہت شرمندگی محسوس کرتی ہوں، اس کی وجہ یہ ہے کہ جب میں ایک وضو سے نماز پڑھتی ہوں تو اس عرصے میں کئی دن وضو قائم رہنےلگ جاتا ہے، کچھ دن قائم نہیں رہتا اور کبھی دو تین نمازیں پروپر وضو سے پڑھی جاتی ہیں اور کبھی دو تین نمازوں میں وضو خراب ہوجاتا ہے، یعنی مختلف حالتیں پیش آتی ہیں، اور اگر میں سوچتی ہوں کہ اب میں بہتر ہوں ٹھیک ہورہی تو میں ارادہ کرتی ہوں کہ پروپر وضو سے نمازوں کو ادا کروں تو اس سوچ کے بعد میرا اکثر وضو جلدی جلدی ٹوٹنے لگتا ہے۔۔۔ میں کیا کروں؟ میں ذہنی طور پر مفلوج ہوتی جارہی ہوں اس سٹریس میں۔۔۔میں نے کئی کئی مسائل پڑھ لیے ہیں اس کےمتعلق، میری سمجھ سے باہر ہے سب، مجھے ایک صاف بات بتادیں کہ میں نے ایک بار وضو کرنا ہے یا بار بار وضو کرنا ہے؟

جواب

---

---