واضح رہے کہ عورتوں کے لئے قبرستان جانا شرعاً ممنوع ہے ۔خواہ اپنے شوہر، والدین یا کسی رشتہ دار کی ہی قبر کیوں نہ ہو۔ کیوں کہ احادیث مبارکہ میں ممانعت آئی ہے ۔نیز  اگر بوڑھی عورت عبرت و نصیحت حاصل کرنے یا تذکرہ آخرت کے لیے قبرستان جائے تو اس شرط کے ساتھ اجازت ہے کہ بے پردگی نہ ہو اور وہاں بلند آواز سے رونا اور جزع فزع نہ کرے۔ لیکن عورتوں میں صبر کا مادہ کم ہوتا ہے، اس لیے بوڑھی عورتوں کا بھی قبرستان نہ جانا ہی بہتر ہے۔ اور اگر عورت جوان ہو تو  مذکورہ شرائط کے ساتھ جانا بھی مکروہ ہے۔

عن أبي هريرة : «أن رسول الله صلى الله عليه وسلم ‌لعن ‌زوارات ‌القبور».( سنن الترمذي، باب ما جاء في كراهية زيارة القبور للنساء، رقم الحديث:١٠٥٦)

 (قوله: وقيل: تحرم على النساء إلخ) قال الرملي: أما النساء إذا أردن زيارة القبور إن كان ذلك لتجديد الحزن والبكاء والندب على ما جرت به عادتهن فلا تجوز لهن الزيارة، وعليه حمل الحديث: «لعن الله زائرات القبور»، وإن كان للاعتبار والترحم والتبرك بزيارة قبور الصالحين فلا بأس إذا كن عجائز، ويكره إذا كن شواب، كحضور الجماعة في المساجد". (البحر الرائق، الصلاة علي الميت في المسجد،ج:٢،ص:٢١٠)