واضح رہےکہ جب شوہر طلاق کی نسبت اپنی بیوی کی طرف کر لے تو طلاق واقع ہو جاتی ہے،چاہے طلاق دیتے وقت بیوی سامنے موجود ہو یا نہ ہو،اوراس نےطلاق کے الفاظ سنے ہو ں یا نہ سنے ہوں،بیوی کی عدم موجودگی یا نہ سننےسےطلاق واقع ہونےپر کوئی اثر نہیں پڑتا۔

صورت مسئولہ کے مطابق اگرسائل نے اپنی بیوی سے تین مرتبہ یوں کہا ہو کہ"تو مجھ پر طلاق ہے" تو اس سے تین طلاقیں واقع ہوگئی ہیں،چاہے اس نے الفاظ سنے ہوں یانہیں۔

‌(وإذا ‌أضاف الطلاق إليها) كأنت طالق۔۔۔(وقع)قال العلامة ابن عابدینؒ(قوله كأنت طالق) وكذا لو أتى بالضمير الغائب أو اسم الإشارة العائد إليها أو باسمها العلمي ونحو ذلك۔(ردالمحتار،کتاب الطلاق،باب الصریح،مطلب فی قولہ:علي الطلاق من ذراعی ،جلد 4،ص،471،469)

لأن ‌الزوج ‌ينفرد بإيقاع الطلاق الثلاث، ولا يتوقف ذلك على علم المرأة۔)المحيط البرهاني في الفقه النعماني،كتاب العتاق،الفصل السابع في الخصومات أربعة۔۔۔ج:4،ص:237)