واضح رہے کہ فروخت کی جانےوالی چیز میں  بائع کوپہلے سے  کوئی عیب معلوم ہو،تو  اس کو بیان کر کے فروخت کرنا چاہیے، تا ہم اگر بائع عقد  کے وقت مبیع کے عیوب سے براءت کا اظہار کرے تو یہ بھی جائز ہے، لہذا اگر بعد میں مبیع میں کوئی نقص مشتری کو معلوم ہو جائے تو اس پر مشتری کسی چیز کا حقدار نہ ہو گا، نہ مبیع کی واپسی کا اور نہ پیسوں میں کٹوتی کرنے کا۔

صورت مسئولہ کے مطابق اگر بائع مشتری كوموبائل  فروخت   کرتے وقت مبیع کے عیوب  سے براءت کا اظہار کرے اور بعد میں مشتری  کو مبیع میں  کوئی  نقص معلوم ہوجائے تو اس کو مبیع کی واپسی  یا پیسوں کی کٹوتی کا مطالبہ کرنے کا حق نہیں۔

"(ومن باع عبدا وشرط البراءة من كل عيب) البيع بشرط البراءة عن كل عيب صحيح سمى العيوب وعددها أو لا علمه البائع أو لم يعلمه وقف عليه المشتري أو لم يقف أشار إليه أو لا موجودا كان عند العقد والقبض أو حدث بعد العقد قبل القبض عند أبي حنيفة وأبي يوسف في رواية"۔ (العناية شرح الهداية، كتاب البيوع، باب خيار العيب، ج:6، ص:396)

"(قوله ‌وصح ‌البيع ‌بشرط ‌البراءة ‌من ‌كل ‌عيب) بأن قال :بعتك هذا العبد على أني بريء من كل عيب"۔(رد المحتار على الدر المختار،كتاب البيوع،باب خيار العيب، مطلب في البيع بشرط البراءة من كل عيب، ج: 5، ص:42)