واضح رہے کہ  جس شخص پر اتنا قرض ہو کہ اس کی ادائیگی سے اس کا موجودہ مال نصاب سے کم رہ جاتا ہو یا ختم ہوجاتا ہو  تو اس کو زکوۃ دینا جائز ہے،نيز بھائی کو زکوۃ دے سکتے ہیں ۔

 لہذاصورت مسئولہ کے مطابق اگر سائل کا بھائی مقروض ہو  اور اس کے ساتھ اتنا مال نہ ہو کہ قرض کی ادائیگی کے بعد نصاب تک پہنچ جاتا ہو تو اس کو زکوۃ دینا جائز ہے۔

قال الله تعالى: إنما الصدقات للفقراء والمساكين والعاملين عليها والمؤلفة قلوبهم وفي الرقاب ‌والغارمين وفي سبيل الله وابن السبيل فريضة من الله والله عليم حكيم.(سورة التوبة،أيةنمبر: 60)

ولا يدفع المزكي زكوة ماله إلى أبيه ، وجده ، وإن علا ، ولا إلى ولده ، وولد ولده ، وإن سفل .(الهدايه،كتاب الزكوة،باب من يجوز دفع الزكوة اليه و من لا يجوز،ج:1،ص:223)