واضح رہے کہ اگر کوئی شخص کسی عذر مثلا بیماری وغیرہ کی وجہ سے پانی کے استعمال پر قادر نہ ہو یعنی پانی استعمال کرنے کی صورت میں کسی عضو کے ضائع  ہونے یا بیماری کی زیادتی کا اندیشہ ہو تو ایسی صورت میں متبادل کے طور پر تیمم کرنے کی اجازت ہے ،اسی طرح اگر کوئی شخص کسی عذر کی وجہ سے غسل کرنے پر قادر نہ ہو تو وہ بھی تیمم کرے گا۔

صورت مسئولہ کے مطابق  اگر یقینی طور پر ٹھنڈے پانی سے  غسل کرنے کی صورت میں بیماری  کے بڑھنے کا اندیشہ ہو  تو متبادل کے طور  پرتیمم کرنے کی گنجائش ہے ،اور وضو  کرنے کی ضرورت نہیں ۔

"وکذا لو کان صحیحا خاف حدوث مرض ۔۔۔ بغلبۃ ظن أي عن أمارة أو تجربة أو قول حاذق مسلم إخبار طبيب حاذق مسلم غير ظاهر الفسق"۔(رد المحتار علی الدر المختار،كتاب الطهارة،باب  التيمم، ج:1، ص:397)

"ولو كان يجد الماء إلا أنه مريض يخاف إن استعمل الماء اشتد مرضه أو أبطأ برءه تيمم"۔(الفتاوی الهندية، كتاب الطهارة، باب التيمم، الفصل الأول ج:1، ص:81)

"ولو كان مع الجنب ما يكفي للوضوء يتيمم ولا يجب التوضؤ"۔(الفتاوی الهندية ،كتاب الطهارة،باب التيمم،  الفصل الثالث، ج:1،ص:84)