واضح رہےکہ اگر کوئی شخص اپنی ملکیتی زمین کسی کو متعین مدت تک اجارہ پر دے اور اجرت متعین کرے تو اس طرح عقد کرنا شرعاً جائز ہے، اسی طرح کسی زمین کو اس طرح مزارعت پر  دینا کہ زمین ایک  کی ہو اور عمل، تخم اور  آلہ زراعت دوسرے شخص کی طرف سے ہو اور جو فصل حاصل ہوجائے اس میں دونوں کو مخصوص حصہ ملتا ہو تو اس طرح عقد مزارعت کرنا جائز ہے۔

صورت مسئولہ کے مطابق اگر کسی نے اپنی ملکیتی زمین پورے سال کےلیے اجارہ پر دی ہو اوراجرت بھی متعین کی ہو تو یہ عقد اجارہ شمار ہوگا، اور اس طرح عقد کرنا جائز ہے، نیز دوسری صورت میں بھی اگر مالک کی طرف سے صرف  زمین ہو اور دوسرے شخص کی طرف سے عمل، تخم  اور ٹریکٹر وغیرہ کا خرچہ ہو اور جو فصل حاصل ہوجائے وہ ان کے درمیان آدھی آدھی ہو،تو  مزارعت  کی یہ صورت  بھی جائز ہے۔

قال: (وإن استأجر الأرض مدة معلومة بأجر معلوم ليترك الفضل فيها فذلك جائز) لأن ‌استئجار ‌الأرض صحيح إذا كان المستأجر يتمكن من استيفاء منفعتها والتمكن هنا موجود لاشتغالها بزرعه۔( المبسوط للسرخسي،  كتاب البيوع، ج: 12، ص: 194)

وإن كان الأرض لواحد والعمل والبقر والبذر لواحد جازت" لأنه استئجار الأرض ببعض معلوم من الخارج فيجوز كما إذا استأجرها بدراهم معلومة۔( الهداية، كتاب المزارعة، ج: 4، ص: 338)