واضح رہے کہ جب تک شوہر زندہ ہو، بیوی کا شوہر کی ذاتی جائیداد میں کوئی حصہ نہیں، البتہ اگر شوہر کے ذمے بیوی کے حقوق واجبہ میں سے مہر ،نفقہ وغیرہ باقی ہو تو ان کا مطالبہ کر سکتی ہے۔

لہذا صورتِ مسئولہ میں جو جائیداد شوہر کی ذاتی ہو ، اس میں بیوی کا  کوئی حصہ نہیں ، اس لیے اس میں کسی چیز کا مطالبہ  نہیں کر سکتی۔ البتہ اگر شوہر کے ذمے مہر  باقی ہو، چاہے جائیداد کی صورت میں ہو یا نقدی کی صورت میں ہو، تو بیوی کو مطالبہ کا حق حاصل ہے اور مطالبہ کی صورت میں شوہر پر ادائیگی بھی لازم ہے۔  اس کے علاوہ اگر بیوی نافرمان نہ ہواور شوہر کے ساتھ گھر میں رہتی ہو  تو شوہر پر اس کے اخراجات بھی واجب ہیں، اس لیے بیوی کو اس کے مطالبے کا حق بھی حاصل ہے۔ البتہ اگر بیوی خواہ مخواہ طلاق لینا چاہتی ہو، اور شوہر اس پر راضی نہیں، تو اپنا حق مہر معاف کر کے شوہر سے خلع لے سکتی ہے۔

إن المعجل إذا ذكر في العقد ملكت طلبه.(الفتاوى البزازية على هامش الهندية، كتاب النكاح،ج:4،ص:134)

لا خلاف لأحد أن تأجيل المهر إلى غاية معلومة نحو شهر أو سنة صحيح، وإن كان لا إلى غاية معلومة فقد اختلف المشايخ فيه قال بعضهم يصح وهو الصحيح وهذا؛ لأن الغاية معلومة في نفسها وهو الطلاق أو الموت.(الفتاوى الهندية، كتاب النكاح، باب المهر، الفصل الحادي العشر في منع المرأة نفسها والتاجيل في المهر،ج:1،ص:318)

النفقة واجبة للزوجة على زوجها مسلمة كانت أو كافرة إذا سلمت نفسها إلى منزله فعليه نفقتها وكسوتها وسكناها.(الهداية، كتاب الطلاق، باب النفقة،ج:2،ص:441)