اگر منذور چیز کسی جگہ کے لوگوں کے ساتھ خاص کی جائے تو یہ تخصیص لازم نہیں ہوتی، بلکہ دوسرے لوگوں کو بھی نذر مانی ہوئی چیز دینا درست ہوگا۔

صورت مسئولہ کے مطابق جب یہ نذر مانی ہوکہ" اگر اللہ تعالیٰ نے مجھے بیماری سے شفا نصیب کی تو میں اپنے گاؤں کے غربا پردو دیگ چاول صدقہ کروں گا" اور اللہ تعالی نے شفانصیب کی، تو اب اگردوست کے گاؤں کے غریب لوگوں کونذردینا چاہے، تو اس سے بھی نذر ادا ہوجائےگی۔

رجل قال: ‌مالي ‌صدقة على فقراء مكة إن فعلت كذا فحنث وتصدق على فقراء بلخ أو بلدة أخرى جاز ويخرج عن النذر۔ (الفتاوى الهندية، كتاب الأيمان، الفصل الثاني في الكفارة، ج:2، ص:65)