واضح رہے کہ ایک شخص کے سرمایہ جبکہ دوسرے کی محنت سے چلنے والا کاروبار مضاربت کہلاتا ہے،اور عقد  مضاربت کے صحیح ہونے کے لیے ضروری ہے  کہ  رب المال اور مضارب  کے مابین نفع کا فیصدکے اعتبار سے تقسیم ہو، کسی ایک کے لیے  متعین مقدار میں نفع مقرر کرنے سے مضاربت فاسد ہو جاتی ہے۔

صورت مسئولہ کے مطابق سائل کا کاروبار کے لیے چھ ہزار  درہم دےکر ہر ماہ ایک سو پچاس درہم متعین منافع لینا جائز نہیں ۔اس لیے اس معاملہ سے احتراز کریں۔

ومن شرطها ‌أن ‌يكون ‌الربح ‌بينهما ‌مشاعا لا يستحق أحدهما دراهم مسماة" من الربح ۔۔۔لفساده ‌فلعله ‌لا ‌يربح إلا هذا القدر۔(الهداية،كتاب المضاربة،ج:3،ص:263)

ويشترط  أيضا في المضاربة أن يكون نصيب كل منهما من الربح معلوما عند العقد لأن الربح هو المعقود عليه وجهالته توجب فساد العقد۔( فتح القدير، كتاب المضاربة، ج:7، ص:321)