واضح رہے کہ عقد مرابحہ میں اگر بائع مشتری کو دھوکہ دے کر اصل قیمت بتانے میں غلط بیانی کرکے زیادہ قیمت میں بیچ دے، بعد میں مشتری کو اس کے دھوکے کا پتہ چلے تو مشتری  کو اختیار  ہوگا کہ چاہے تو اس بیع کو ختم کرکے مبیع بائع کو واپس لوٹا دے اور  بائع سے پوری قیمت وصول کرے یا جتنی قیمت  کے بدلے خریدی ہے اس کو اپنی حالت پر چھوڑ دے۔

صورت مسؤلہ کے مطابق اگر کوئی دکا ن دار اپنا سامان بیچتے وقت گاہک کو کہے کہ میں نے یہ سامان اتنے میں خریدا ہے اور اتنے میں بیچتا ہوں حالانکہ وہ اتنے میں نہ خریدا ہو بلکہ اس سے کم قیمت میں خریدا ہو تو یہ دھوکہ دہی ہے اس لیے جائز نہیں۔ خریدار کو اگر خریدنے کے بعد پتہ چلے کہ دکان دار نے مجھے دھوکہ دیا ہے تو اس نے جو قیمت ادا کی ہو یا تو اتنے میں ہی  لے لے یا اس بیع کو ختم کر کے مبیع بائع کو لوٹا کر اپنے پیسے واپس لے لے۔ بیع کو برقرار رکھتے ہوئے دکان دار سے زائد رقم واپس کرنے کا مطالبہ نہیں کر سکتا۔

‌فإن ‌ظهر ‌خيانته ‌في ‌مرابحة بإقراره أو برهان) على ذلك (أو بنكوله) عن اليمين (أخذه) المشتري (بكل ثمنه أو رده) لفوات الرضا.(رد المحتار على الدر المختار، كتاب البيوع، باب المرابحة والتولية، ج:5، ص:137)