جب طلاق کو کسی شرط کے ساتھ مشروط کیا جائےتو اس کو طلاق معلق کہتے ہیں،طلاق معلق میں جب تک شرط نہ پائی جائے اس وقت تک طلاق واقع نہیں ہوتی لیکن جوں ہی شرط وجود میں آئے تو فورا طلاق واقع ہوجاتی ہے۔البتہ اگر کوئی تین طلاق کسی شرط کےساتھ معلق کرے تو فقہا نے اس سے بچنے کے لیے یہ حیلہ بیان کیا ہے کہ ایک طلاق  تنجیزی (جو کسی شرط کے ساتھ مشروط نہ ہو )دی جائے پھر اس کے بعد جب عدت پوری ہوجائے تو اس سے عورت بائن ہوجائے گی پھر شرط کو بجا لایا جائے تو اس وقت شرط پوری ہوجائے گی لیکن طلاق واقع نہیں ہوگی کیونکہ اس طلاق کا محل باقی نہیں رہا ۔اور جب شرط ایک مرتبہ وجود میں آجائے،تو دوبارہ اگر وہی شرط پائی جائے تو اس کا اعتبار نہیں ہوگا۔

صورت مسئولہ کے مطابق سوال میں مذکورہ حیلہ درست نہیں ہے کیونکہ شرط یہ ہے کہ ''تعلقات کے ہوتے ہوئے وہ گھر آجائےاور ماں کے ساتھ ملاقات کرے ''،اور جب تعلقات ختم کرنے کے بعد آجائے تو اس صورت میں شرط نہیں پائی جائے گی اس لیے شرط ختم نہ ہوگی بلکہ برقرار رہے گی۔ لہٰذا زید اگر تین طلاق سے بچنا چاہتا ہےتوطلاق  بائن والے حیلہ پر عمل کرے۔

وإذا أضافه إلى الشرط وقع عقيب الشرط إتفاقا مثل أن يقول لإمرأته:إن دخلت الدار فأنت طالق.(الفتای الھندیة،کتاب الطلاق،الباب الرابع فی الطلاق بالشرط و نحوہ،الفصل الثالث،ج:1،ص:488)

(ففي جميعها) أي جميع الألفاظ(إذا وجد الشرط انتهت اليمين)؛لأنهاغيرمقتضية للعموم والتكرارلغة فبوجود الفعل مرة يتم الشرط وإذا تم وقع الحنث فلايتصورالحنث مرة أخرى إلا بيمين أخرى أوبعموم تلك اليمين وليس فليس.(مجمع الأنھرشرح ملتقی الأبحر،کتاب الطلاق،باب التعلیق،ج:1،ص:418)

فحيلة من علق الثلاث بدخول الدارأن يطلقهاواحدة ثم بعدالعدة تدخلهافتنحل اليمين فينكحها.(الدرالمختار مع ردالمحتار،كتاب الطلاق،باب التعلیق،ج:3،ص:355)