حمل خود بخود ساقط ہو جائے یا اسے ساقط کر دیا جائے ،اگر  اس کے اعضا ہا تھ ، پاؤں  وغیرہ ظاہر ہو چکے ہوں تو اس کے بعد آنے والا خون نفاس شمار ہو گا ، لیکن اگر اعضا کی بناوٹ ظاہر نہ ہوئی ہو تو اس حمل کے ضائع ہونے کے بعد نظر آنے والا خون نفاس نہیں کہلائے گا ۔

صورت مسئولہ میں  کے مطابق سائل کی بیوی کا  جو حمل ضائع ہو ا  تھا اگر اس کے اعضا ظاہر ہو چکے   تھے  تو اس کے بعد آنے والا خون نفاس کا   شمار ہو گا  اور اگر اعضا ظاہر نہیں ہوئے تھے تو  ان میں  عادت کے بقدر  دن حیض  کے شمار ہو ں  گے  ، باقی دن  استحاضہ کے شمار ہوں گے  ۔اور استحاضہ کے دنوں  میں  قضا   ہو نے والی نمازوں کی قضا لازم ہو گی ۔

(وسقط) مثلث السين: أي مسقوط (ظهر بعض خلقه كيد أو رجل) أو أصبع أو ظفر أو شعر، ولا يستبين خلقه إلا بعد مائة وعشرين يوما (ولد) حكما (فتصير) المرأة (به نفساء والأمة أم ولد ويحنث به) في تعليقه وتنقضي به العدة، فإن لم يظهر له شيء فليس بشيء، والمرئي حيض إن دام ثلاثا وتقدمه طهر تام وإلا استحاضة.( الدر المختار شرح تنوير الابصار وجامع البحار، كتاب الطهارة، باب الحيض،ص:٤٥)