واضح رہے کہ فصل یا پھل کے عُشر اور نصفِ عُشر کا بائع یا مشتری میں سے کسی  ایک پر واجب ہونے میں اصل اعتبار ادراک یعنی "پختگی"کا ہے،کہ جس کے قبضہ  میں فصل پک جائے یا پھل پختہ ہو جائے اس پر عُشر یا نصفِ عُشر لازم ہوگا، لہذا اگر فصل اور پھل کو پکنے اور پختہ ہونے کے بعد فروخت کیا گیا تو عُشر یا نصفِ عُشر بائع پر واجب ہوگا اور اگر پکنے اور پختہ ہونے سے پہلے فروخت کیاگیا  تو اس کی دو صورتیں ہیں: پہلی صورت یہ ہےکہ مشتری اسی حالت میں اس کو کاٹ دے تو عُشر یا نصفِ عُشر بائع پر واجب ہوگا۔ دوسری صورت یہ ہے مشتری اس کو ادراک(پختہ ہونے) تک درختوں پر چھوڑدے تو اس صورت میں طرفین کے نزدیک عُشر مشتری پر واجب ہوگا، جب کہ امام ابویوسفؒ کے نزدیک جس وقت فصل یا پھل فروخت کیا گیا تھا اس وقت کی قیمت کا عُشر بائع پرہوگا ، جب کہ اس کے بعد ہونے والی زیادتی کی قیمت کا عُشر مشتری پر واجب ہوگا،البتہ راجح قول اس صورت میں یہ ہے کہ پورا عُشر  مشتری پر واجب ہے۔ 

لہذا صورت مسؤلہ میں اگر گنے کی فصل کو  پکنے سے پہلے فروخت کر کے مشتری  کے قبضے میں  دے دیا  تو مشتری کی ملکیت میں  ہونے  کی وجہ سے  عشر  کی ادائیگی مشتری کے ذمہ واجب ہو گی ۔ اور اگرفصل پکنے  کے بعد فروخت کردیا ہو تو اس کا عُشر بائع کے ذ مے واجب ہو گی۔

ولو باع الزرع إن قبل إدراكه فالعشر على المشتري ولو بعده فعلى البائع.(الدرالمختار على صدر ردالمحتار، كتاب الزكوة، باب العشر، ج:3، ص:276)

ولو باع الأرض العشرية وفيها زرع قد أدرك مع زرعها أو باع الزرع خاصة فعشره على البائع دون المشتري؛ لأنه باعه بعد وجوب العشر وتقرره بالإدراك ولو باعها والزرع بقل فإن قصله المشتري للحال فعشره على البائع أيضا لتقرر الوجوب في البقل بالقصل وإن تركه حتى أدرك فعشره على المشتري في قول أبي حنيفة ومحمد لتحول الوجوب من الساق إلى الحب وروي عن أبي يوسف أنه قال: عشر قدر البقل على البائع وعشر الزيادة على المشتري وكذلك حكم الثمار على هذا التفصيل.(بدائع الصنائع،كتاب الزكوة،فصل في شرائط الفرضية،ج:2 ،ص:500 ،501)                                                          

وإذا باع الأرض العشرية وفيها زرع قد أدرك مع زرعها أو باع الزرع خاصة فعشره على البائع دون المشتري ولو باعها والزرع بقل إن قصله المشتري في الحال يجب على البائع ولو تركه حتى أدرك فعشره على المشتري.(الفتاوى الهندية، كتاب الزكوة، الباب السادس في زكوة الزروع والثمار ، ج:1، ص:249)