اگر کوئی شخص بیوی کو طلاق دے اور اس عورت کے اس شوہر سے اولاد بھی ہو پھر وہ عورت دوسرے شوہر کے ساتھ نکاح کرے اور اس سے حمل بھی ٹھہرے، لیکن وضع حمل سے پہلے کسی اجنبی بچے کو دودھ پلائےتو اس بچے کی رضاعت اس عورت کے  پہلےشوہر سے ثابت ہوگی ۔

صورت مسئولہ کے مطابق اگر مرضعہ کی پہلے شوہر سے اولاد ہو اور اس نے طلاق دی ہواور پھر عدت گزرنے کے بعد اس نے دوسرے شخص کے ساتھ نکاح کیا ہو جس سے حمل بھی ٹھہرا ہو، لیکن وضع حمل سے پہلے کسی اجنبی  بچے کو دودھ پلایا ہو تو اس صورت میں اس بچے کی حرمت رضاعت پہلے شوہر سے ثابت ہوگی، چناچہ اس پہلے شوہر کی جتنی اولاد ہوخواہ اس سابقہ بیوی سے ہو یا دوسری بیوی سے،  سب اس بچے کے رضاعی بھائی بہن شمار ہوں گے، اسی طرح مرضعہ کی جتنے بھی اولاد ہے خواہ پہلے شوہر سے ہو یا دوسرے شوہر سے ہو وہ سب اس کے رضاعی بھائی ،بہن شمار ہوں گے، جب کہ دوسرے شوہر کی اگر دوسری بیوی سے اولاد ہوتو  ان کا اس بچے سے رضاعت کا کوئی رشتہ  نہ ہوگا۔

(طلق ذات لبن فاعتدت وتزوجت) بآخر (فحبلت وأرضعت) (فحكمه من الأول) لأنه منه بيقين فلا يزول بالشك ويكون ربيبا للثاني (حتى تلد) فيكون اللبن من الثاني . (قوله ويكون ربيبا للثاني) فيحل له التزوج ببنات الثاني من غير المرضعة بحر. (الدر المختار، باب الرضاع، ج: 3، ص: 221)