واضح رہے کہ اگر کوئی شخص نذر کو کسی شرط کے ساتھ معلق کر دے اور وہ شرط پائی جائے تو اس نذر کو پورا کرنا واجب ہوگا۔ نیز نذر مانی ہوئی  چیز کی قیمت ادا کی جائے تو یہ بھی  جائز ہے۔

صورت مسؤلہ کے مطابق اگر کوئی شخص نذر مانے کہ میرے بیٹے کی نوکری لگ جائے تو میں مخصوص  گائے کو اللہ کے نام پر صدقہ کروں گا پھر وہ گائے فروخت کر کے اس کی قیمت مستحقین کو دے دے ،  تو اس کی طرف سے نذر اداہو جائے گی۔

(ووجد الشرط) المعلق به (لزم الناذر) لحديث "من نذر وسمى فعليه الوفاء بما سمى"( كصوم وصلاة وصدقة).(الدرالمختار علی صدرردالمحتار،كتاب الأيمان،ج5،ص516،517)

(نذر ‌أن ‌يتصدق ‌بعشرة ‌دراهم من الخبز فتصدق بغيره جاز إن ساوى العشرة) كتصدق بثمنه.(رد المحتارعلى الدرالمختار، كتاب الأيمان، ج:5، ص:525)