واضح رہے کہ میاں بیوی کی زوجیت کا رشتہ  شوہر کی موت سے   ختم ہوجاتا ہے، اس لیے  بیوی شوہر کے حق میں محبوس نہیں رہتی، اس پرعدت گزارنا حکم شرعی کی وجہ سے ہے حق زوج  کی وجہ سے نہیں، لہذا شوہر كی موت كے بعد  شوہر  کے مال سے بیوی کو  نفقہ لینے کا حق نہیں۔

  صورت مسئولہ کے مطابق  سائل کی بیٹی اپنے  شوہرکے  مال سے نفقہ لینے کا مطالبہ نہیں کرسکتی ،تاہم اگر ورثاء اپنی رضامندی سے اس کو شوہر کے مال سے نفقہ دینا چاہیں تو یہ ان کی طر ف سے  ایک احسان اور تبرع ہے، بشرط یہ کہ ان میں کوئی نابالغ نہ ہو۔

"ولا نفقة للمتوفى عنها زوجها؛لأن احتباسها ليس لحق الزوج،بل لحق الشرع،فإن التربص عبادة عنها"۔ (الهداية، باب النفقة، ج:2، ص:447)

"لا نفقة لأحد عشر:مرتدة،و مقبلة ابنه،و معتدة موت".(الدر المختار مع رد المحتار، کتاب النفقة، ج:5، ص:285،286)