کسی مستحب امر پر مداومت قبیح نہیں ہے، البتہ فقہاے کرام نے ایسی مداومت کو مکروہ لکھا ہے، جس میں نہ کرنے والوں کو موجب لعن طعن سمجھا جائے اور ان کی تحقیر و تذلیل کی جائے ، لہذا روزانہ نماز فجر کے بعد سورۃ یسین پڑھنا باعث اجر و ثواب اور موجب برکت ہے۔ رسول اللہ ﷺ فرماتے ہیں: ” جو شخص سورۃ یسین کو شروع دن میں پڑھے اس کے تمام دن کی حاجتیں پوری ہو جائیں گئی ۔ اسی طرح اجتماعی طور پر آخر میں دُعا بھی ممنوع نہیں ۔ البتہ اس بات کا خیال رہے کہ اس طریقہ سے نہ پڑھنے والوں یا دعا میں شریک نہ ہونے والوں پر لعن طعن نہ ہو۔ یوں مداومت کرنے میں کوئی قباحت نہیں، چونکہ مدرسہ میں طلبہ کا اُٹھنا بیٹھنا ، کھانا پینا اور پڑھنا سب اجتماعی ہوتا ہے، اسی طرح اگر سورۃ لیس پڑھنے میں طلبہ کی جماعت کا اہتمام کیا جائے اور مستقل عبادت کی نیت نہ ہو تو یہ بدعت کے زمرہ میں داخل نہیں ہوتا۔

عن عطاء بن ابي رباح قال : بلغني أن رسول الله ﷺ قال : من قرأ سورة يس في صدر النهار،قضيت حوائجه ).سنن الدارمي كتاب فضائل القرآن، باب في فضل پس : ج:2،ص:549)

"عن أنس، قال: قال النبي صلى الله عليه وسلم: «‌إن ‌لكل ‌شيء ‌قلبا، ‌وقلب ‌القرآن يس، ومن قرأ يس كتب الله له بقراءتها قراءة القرآن عشر مرات۔(سنن الترمذی ،أبواب فضائل القرآن،‌‌باب ما جاء في فضل يس، ج5، ص162)