واضح رہے کہ سرکاری ملازمین کو اپنے فرائض منصبی ادا کرنے کے عوض حکومت کی طرف سے تنخواہ ملتی ہے اس لیے ان کےلیے جائز نہیں کہ وہ کسی ٹھیکہ دار سے کمیشن کا مطالبہ کریں۔ یہ ان کے حق میں رشوت ہونے کی وجہ سے حلال نہیں۔

 صورت مسئولہ کے مطابق اگر سائل نے کسی سرکاری محکمہ میں مٹیریل سپلائی کاٹھیکہ لیا ہو اور اس نے سرکاری معاہدہ کے مطابق ٹھیکہ پورا کیا ہو تو اس کے بدلے میں ملنے والا پورا عوض اس کا حق ہے۔ ادارہ کے کسی  ملازم کا ٹھیکہ دار سے کمیشن كا مطالبہ كرنا جائز نہیں۔

قال اللہ تبارک و تعالى: ﴿وَلَا تَأْكُلُوا أَمْوَالَكُمْ بَيْنَكُمْ بِالْبَاطِلِ﴾[البقرة: 188]

لا ‌يجوز ‌لأحد من المسلمين أخذ مال أحد بغير سبب شرعي. (رد المحتار،كتاب الحدود، باب التعزير، مطلب في التعزير بأخذ المال، ج: 4، ص: 61)

الرابع: ما يدفع لدفع الخوف من المدفوع إليه على نفسه أو ماله حلال للدافع حرام على الآخذ؛ لأن دفع الضرر عن المسلم واجب ولا يجوز أخذ المال ليفعل الواجب۔ (رد المحتار، كتاب القضاء، مطلب: في الكلام على الرشوة والهدية،ج: 8، ص: 35)