واضح رہے کہ وصیت  کے بارے میں شریعت کا اصول یہ ہے کہ کل مال کے ایک تہائی حصے میں نافذ ہو تی ہے، اس سے زائد مال میں وصیت معتبر نہیں۔

 لہذا صورت مسؤلہ کے مطابق مرحوم  (محمد خان) نے اپنے بھتیجے (زین خان) کے حق میں جو   وصیت   کی ہے وہ اس کے ترکہ  کے ثلث یعنی 3/1 میں نافذ  ہو گی ،چنانچہ ترکہ کا  ایک تہائی  حصہ  اس کو ملے گا ،جب کہ بقیہ ترکہ اس کے    ورثا میں شرعی  قانون کے مطابق تقسیم ہو گا، جس کی تفصیل درج ذیل ہے :

مـیــــــ(محمد خان)ــــــــــــــــــ(28)ــــــــــــــــــــــــــــــــــــــــــــــت

  بیوہ            بھائی           بھائی             بہن              بہن            بہن

منہمرہ         شمروز          تاج محمد         گل ریان       خوب ریانہ     رحمانہ

  7               6                6                3                3             3

بشرط صدق وثبوت اگر مرحوم کے مذکورہ بالا ورثا کے علاوہ اور  کوئی قریبی وارث زندہ موجود نہ ہو تو بعد  ازادائے حقوق متقدمہ علی الارث مرحوم کا ترکہ  اٹھائیس  (28) حصوں میں تقسیم ہو کر  منہمرہ کو7/28حصے،شمروزاور تاج محمد میں سے ہر ایک   کو6/28حصے ،جب کہ گل ریان ،خوب ریانہ اور رحمانہ  میں سے ہر ایک  کو3/28حصے ملیں گے ۔

قال الله تعالى:﴿يُوصِيكُمُ اللَّهُ فِي أَوْلَادِكُمْ لِلذَّكَرِ مِثْلُ حَظِّ الْأُنْثَيَيْنِ﴾ (النساء:11)

وقال الله تعالى:﴿وَلَهُنَّ الرُّبُعُ مِمَّا تَرَكْتُمْ إِنْ لَمْ يَكُنْ لَكُمْ وَلَدٌ﴾ (النساء:12)

‌ولا ‌تجوز بما زاد على الثلث" لقول النبي عليه الصلاة والسلام في حديث سعد بن أبي وقاص رضي الله عنه: "الثلث والثلث كثير" بعد ما نفى وصيته بالكل والنصف۔(الهداية،كتاب الوصايا،ج:4،ص:638)

ثم ‌تنفذ ‌وصاياه ‌من ‌ثلث ما يبقى بعد الكفن والدين إلا أن تجيز الورثة أكثر من الثلث۔( الفتاوى الهندية،كتاب الفرائض،ج:6،ص:448)