واضح رہے کہ عقد نکاح کے وقت طے شدہ مہر دینا شوہر کے ذمے لازم ہے ،البتہ اگر شوہر اپنی خوشی سے اس مہر  میں زیادتی کرے یا  بیوی اپنی خوشی سے اس مہر میں کمی کرے تو ایسا کرنا جائز ہے۔

صورت مسئولہ کے مطابق اگر عقد نکاح کے وقت سات تولہ سونا مہر مقرر ہوا تھا،جس میں سے  تین تولہ سونا شوہر نے معجل ادا کیا ، تو اگر  بیوی بغیر کسی دباؤ کے اپنی خوشی و رضامندی سے اس مہر میں کمی کرکے سات تولہ سونا سے پانچ تولہ سونا کردے ،تو اس صورت میں مہرپانچ تولہ ہو جائے گا،اور شوہر پر  اب صرف دو تولہ سونا کی ادا ئیگی لازم ہو گی۔

قال الله تعالى:وَآتُوا النِّسَاءَ صَدُقَاتِهِنَّ نِحْلَةً فَاِنْ  طِبْنَ  لَكُمْ  عَنْ  شَیْءٍ  مِّنْهُ  نَفْسًا  فَكُلُوْهُ  هَنِیْٓــٴًـا  مَّرِیْٓــٴًـا. (النساء الأية:4)

‌وإن ‌حطت ‌عن ‌مهرها ‌صح ‌الحط، كذا في الهداية. ولا بد في صحة حطها من الرضا حتى لو كانت مكرهة لم يصح ومن أن تكون مريضة مرض الموت هكذا في البحر الرائق.(الفتاوی الھندیة،كتاب النكاح،ج:1ص:313)