معاشرے میں بعض لوگ سوال کرتے ہیں اور یہی مشغلہ اپنے لیے پیشہ بنارکھا ہے، اور اگر ان کو کچھ نہ دیا جائے تو زبردستی  وصول کرنے کی کوشش کرتے ہیں ،  بعض باوقار لوگ ان کو اپنی عزت بچانے کی خاطر کچھ دے دیتے ہیں ،یوں اس قسم کے لوگوں کو کچھ دینے کی گنجائش ہے البتہ اس طبقہ کو سمجھا کر اس کام سے روکنا چاہیے کیوں کہ ان کے لیے  سوال کرنا  جائز نہیں۔ 

صورت مسئولہ میں  مخنث افراد کا لوگوں کے مال کواس طرح زبردستی سے لینا کہ اگر نہ دے تو اس کو دینے پر مجبور کریں ، یہ ناحق کمائی کے  زمرے میں آتا ہے، تاہم  اگر کوئی شخص اپنی عزت  بچانے  کی خاطر ان کوکچھ رقم دے دے، تو دینے والا گناہ گار نہیں ہوگا۔

قال اللہ تعالی:(وَلَا تَاْكُلُوْۤا اَمْوَالَكُمْ بَیْنَكُمْ بِالْبَاطِلِ )(البقرہ:188)

 واما حکمہ، فالاثم والمغرم عند العلم، وان کان العلم بان ظن ان الماخوذ مالہ، او اشتری عینا ثم ظھر استحقاقہ فالمغرم۔ ویجب علی الغاصب رد عینہ علی المالک، وان عجز عن رد عینہ بھلاکہ فی یدہ بفعلہ اوبغیر فعلہ، فعلیہ مثلہ ان کان مثلیا، کالمکیل والموزون، ۔۔۔۔۔وان غصب مالا مثل لہ، فعلیہ قیمۃ یوم الغصب بالاجماع۔(الفتاوی الھندیۃ، کتاب الغصب، الباب الاول فی تفسیر الغصب،وحکمہ، ج:5،ص:139)