واضح رہے کہ سودی معاملات میں جس طرح سود دینے والے اور سود لینے والے کے بارے میں وعید آئی ہے، اسی طرح سود لکھنے والے اور اس کی معاونت  کرنے والے کے بارے میں بھی وعید آئی ہے، لہذا صورت مسئولہ کے مطابق کسی ادارہ میں سودی منافع  لکھنے پر مامور شخص اس کی وجہ سے گناہگا ر ہوگا، تاہم اگر اس کا اصل کام دیگر جائز حسابات درج کرنا ہو اور کبھی ضمنا ً سودی منافع کو درج کرنا پڑے تو ایسی صورت میں اس کی تنخواہ حلال ہوگی، لیکن اس گناہ سے توبہ کرتا  رہے۔

عن جابر رضي الله عنه قال: «لعن رسول الله صلى الله عليه وسلم ‌آكل ‌الربا ‌وموكله ‌وكاتبه وشاهديه، وقال: (هم سواء) » رواه مسلم. قوله (وكاتبه وشاهديه) : قال النووي: فيه تصريح بتحريم كتابة المترابيين والشهادة عليهما وبتحريم الإعانة على الباطل (وقال) ، أي: النبي صلى الله عليه وسلم (هم سواء) ، أي: في أصل الإثم، وإن كانوا مختلفين في قدره۔ ( مرقاۃ المفاتیح، باب الربا، الفصل الأول، ج: 5، ص:1916)