واضح رہے کہ امتحانات کا بنیادی مقصد طلباء کرام کی استعداد،قابلیت اور صلاحیت کو جانچنااور پرکھنا ہوتاہے،اور اسی کے مطابق امتحانی بورڈ یا متعلّقہ اداروں کی طرف سے طلباء کرام کو سندات جاری  کی جاتی ہیں،جوکہ اعلیٰ اور ادنیٰ استعداد والے طلباءکے معلوم کرنے کا معیار ہوتا ہے۔اس لیے نقل کے  ذریعے امتحان میں کامیابی یا زیادہ نمبرات حاصل کرکے کمزور استعداد والے شخص کا ذی استعداد ہونا معلوم ہوتا ہے،جوکہ جھوٹ،خیانت اور جھوٹی گواہی کے زمرے میں داخل ہے ،جو کبیرہ گناہوں میں سے ہیں۔لہذا کسی شخص کا خود نقل کرنا یا نقل کرنے میں کسی کی معاونت کرنا شرعا نا جائز ہے ۔

قوله تعالى:﴿ وَلَا تَعَاوَنُوۡا عَلَى الۡاِثۡمِ وَالۡعُدۡوَانِ‌ ۖ  ﴾(سورة المائدة:2)

قوله تعالى:﴿ إِنَّ اللَّهَ لَا يُحِبُّ الْخَائِنِينَ ﴾(سورةالانفال:58)

قوله تعالى:﴿ وَاجْتَنِبُوا قَوْلَ الزُّورِ ﴾(سورةالحج:30)

عن أبي هريرة رضي الله عنه،عن النبيّ صلى الله عليه وسلّم قال:"آية المنافق ثلاث:إذا حدّث كذب،وإذاوعدأخلف،وإذااؤتمن خان۔"(صحيح البخاري،كتاب الإيمان،باب علامة المنافق،ج:1،ص:143.)

"فالكذب الإخبار على خلاف الواقع وحق الأمانةأن تؤدي إلى أهلها،فالخيانةمخالفةلها۔"(مرقاة المفاتيح شرح مشكاة المصابيح،كتاب الإيمان،باب الكبائر وعلامات النفاق،ج:1،ص:226.)