ہر شخص کو اپنے مملوکہ مال وجائیداد میں ہر قسم کے جائز تصرفات کرنے کا حق حاصل ہے اگر کوئی شخص زندگی میں اپنی جائیداد  اپنی اولاد  میں کسی کو  دے   تو یہ اس کی طرف سے ہبہ شمار ہوگا اورہبہ کے تام ہونے کی شرط یہ ہے کہ موہوب لہ موہوبہ چیز کو قبض کر لے ۔

صورت مسئولہ کے مطابق اگر  باپ نے اپنی زندگی میں مکان ایک بیٹے  کے نام پر انتقال کیا تھا  لیکن قبضہ نہیں دیاتھا  تو باپ کی وفات کے بعد  مکان میں تمام ورثا شریک ہوں گے  ۔کیونکہ ہبہ کے بعد عملا قبضہ نہ ہو تو محض کاغذی کاروائی سے ملکیت ثابت نہیں ہوتی  ۔ تاہم اگر  والد نے ہبہ کرنے کے بعد بیٹے کو  قبضہ بھی دیا تھا تو صرف وہی  بیٹا  مکان کا مالک  شمار ہو گا ۔

تنعقد الهبة بالإيجاب والقبول ،وتتم بالقبض.( شرح المجلة،المادة: ٨٣٧)

ومنها أن يكون الموهوب مقبوضا،حتى لا يثبت الملك للموهوب له قبل القبض.( الفتاوى الهندية، كتاب الهبة، باب الاول،ج:٤،ص:٣٧٤)