اگر کوئی شخص اپنی بیوی  کی طلاق کو کسی شرط کے ساتھ معلق کرے شرط واقع ہونے پر طلاق واقع ہو جائے گی۔

صورت مسئولہ میں اگر شوہر نے بیوی سے یہ کہا ہو کہ ’’اگر تو نے ایسی بات کی جس سے جنگ یا شر پیدا ہو تو تجھے ایک طلاق ہو گی‘‘ تو اگر بیوی ایسی بات کرے جس سے جنگ یا شر پیدا ہو جائے تو طلاق واقع ہو جائے گی۔شوہرنے اگرصریح الفاظ سے ایک طلاق کو مشروط کیا ہوتوحانث ہونے کی صورت میں ایک طلاق رجعی واقع ہوگی لہذا شوہرکوعدت میں رجوع کااختیار ہوگا۔

وإذا أضافه إلى الشرط وقع عقيب الشرط اتفاقا۔(الفتاوی الهندية، كتاب الطلاق، الباب الرابع في الطلاق بالشرط،ج:1،ص:420)

وإذا طلق الرجل امرأته تطليقة رجعية أو تطليقتين فله أن يراجعها في عدتها رضيت بذلك أو لم ترض۔(الهداية، كتاب الطلاق، باب الرجعة،ج:2،ص:405)