شریعتِ مطہرہ کی رو سے جب میت کی اولاد میں بیٹے موجود ہوں تو اس کی میراث میں پوتوں کا کوئی حصہ نہیں بنتا۔اس لیےاگر بیٹے کا انتقال والد کی زندگی میں ہوجائے تو دیگر بیٹوں کی موجودگی میں باپ کی زندگی میں فوت ہونے والےبیٹے کی اولاد(پوتوں) کوداداکی وراثت میں حصہ نہیں ملتا، البتہ اگر دیگر ورثا عاقل و بالغ ہوں اور وہ برضا و خوشی مرحوم بیٹے کی اولاد کو کچھ حصہ دیں تو ایسا کرنا جائز اور باعثِ ثواب ہے۔

صورت مسؤلہ کے مطابق چونکہ مرحوم کی اولاد میں بیٹے موجودہیں اس لیے ان کی موجودگی میں پوتوں کا شرعا ً میراث میں کوئی حصہ نہیں بنتا۔

"إذا ترك ابنا وابن ابن، فليس لابن الابن شي."(السنن الکبری للبیھقی،  ج:9، ص:302)

"وشروطه: ثلاثة... ووجود وارثه عند موته حيا حقيقة أو تقديرا كالحمل."(ردالمحتار علی الدرالمختار، کتاب الفرائض، ج:10/ص:491)