اگر خاوند  بیوی کو طلاق دینے کے  لیے صریح الفاظ استعمال کرے تو اس سے طلاق واقع ہوجاتی ہے ۔لہذا کسی کا اپنی بیوی سے دو مرتبہ"میں نے آپ کو طلاق دے دی"کہنے سے  دو طلاق رجعی واقع ہوتی ہیں،اس کے بعد  شوہر  کورجوع کا حق حاصل ہوگا اور آئندہ  کے  لیے شوہر کو ایک طلاق کا اختیار ہوگا ۔اس کے بعد یہ کہنا کہ "اپنے والد کے گھر چلی جاؤ"اگر  ان الفاظ سے طلاق کی نیت ہو تو اس سے بھی ایک طلاق واقع ہوگی ورنہ نہیں۔

صورت مسئولہ کے مطابق اگر سا ئل نے دو مرتبہ  طلاق کے صریح الفاظ استعمال کیے ہوں تو اس سے دو طلاقِ رجعی واقع ہوچکی ہیں اس کے بعد "اپنے والد کے گھر  چلی جاؤ"کہنےمیں اگر تیسری طلاق کی نیت تھی تو اس سے تیسری طلاق واقع ہو کر عورت مغلظہ ہو چکی ہے،لہذا  شوہر کو رجوع کا حق حاصل نہیں ہوگا ۔لیکن اگر یہ الفاظ کہتے ہوئے تیسری طلاق دینے کی نیت نہیں تھی تو تیسری طلاق واقع نہیں ہوئی ہے لہذا سائل  کو رجوع کا حق حاصل ہوگا،البتہ آئندہ کے لیے اس  کے پاس صرف ایک طلاق کا حق  باقی رہے گا۔

" وإذا طلق الرجل امرأته تطليقة رجعية أو تطليقتين ‌فله ‌أن ‌يراجعها ‌في ‌عدتها رضيت بذلك أو لم ترض " لقوله تعالى: {فأمسكوهن بمعروف} [البقرة: 231] من غير فصل ولا بد من قيام العدة لأن الرجعة استدامة الملك ألا ترى أنه سمى إمساكا وهو الإبقاء وإنما يتحقق الاستدامة في العدة لأنه لا ملك بعد انقضائها " والرجعة أن يقول راجعتك أو راجعت امرأتي " وهذا صريح في الرجعة ولا خلاف فيه بين الأئمة."(الهداية، كتاب الطلاق، باب الرجعة، ج:2، ص:254)