واضح رہے کہ نکاح کے صحیح ہونے کے لیے ضروری ہے کہ لڑکا اور لڑکی دونوں مسلمان ہوں،تاہم اگر ان دونوں میں سے کوئی ایک شیعہ ہو اور اس کے عقائد ایسے ہوں کہ جن سے ضروریات دین کا انکار لازم آتا ہو جیسے : حضرت علی  کی الوہیت کا عقیدہ رکھنا یا اس بات کا عقیدہ رکھنا کہ حضرت جبرئیل علیہ السلام سے وحی لانے میں غلطی ہوئی اور وہ حضرت علی کی جگہ حضرت محمد صلی اللہ علیہ وسلم کے پاس وحی لائے یا قرآن مجید کے محرف ہونے کا عقیدہ یا حضرت ابوبکر  کے صحابی ہونے سے انکار کرنا یا حضرت عائشہ پر تہمت لگانا وغیرہ، تو ایسے شیعہ کے کفر پر امت مسلمہ کا اتفاق ہے اور اس سے کسی مسلماں کا نکاح صحیح نہیں ہوتا۔لیکن اگر کسی شیعہ کےعقائد  مذکورہ بالا عقائدمیں سے نہ ہوں یا پہلے اس کے عقائد ایسے تھے لیکن بعد میں اس نے ان عقائد کو چھوڑ کر ایمان قبول کیا ہو  تو ایسے شیعہ کے ساتھ کسی  مسلما ن  لڑكی کا نکاح جائز ہے ۔

صورت مسؤلہ کے مطابق اگرمذکورہ لڑکے کے عقائد ایسے ہوں جن سے ضروریات دین کا انکار لازم آتا ہو تو ایسا لڑکا دائرہ اسلام سے خارج ہونے کی وجہ سے   مسلمان لڑکی کا اس سے  نکاح صحیح نہیں ،لیکن اگر اس کے عقائد ایسے نہ ہوں یا پہلے اس کے عقائد غلط تھے لیکن بعد میں اس نے اپنے عقائد سے صدق دل سے توبہ  و برائت کی  ہو تو اس سے  کیا ہوا نکاح صحیح  ہوگا۔

‌قال اللہ تعالی: ﴿لَا هُنَّ حِلٌّ لَّهُمْ وَلَا هُمْ يَحِلُّونَ لَهُنَّ﴾ (الممتحنة: ١٠)

وبهذا ظهر أن ‌الرافضي ‌إن ‌كان ممن يعتقد الألوهية في علي، أو أن جبريل غلط في الوحي، أو كان ينكر صحبة الصديق، أو يقذف السيدة الصديقة فهو كافر لمخالفته القواطع المعلومة من الدين بالضرورة، بخلاف ما إذا كان يفضل عليا أو يسب الصحابة فإنه مبتدع لا كافر.(رد المحتار على الدر المختار، كتاب النكاح، فصل في المحرمات، مطلب في وطي السراري، ج:4، ص:135)

الرافضي إذا كان يسب الشيخين ويلعنهما والعياذ بالله، فهو كافر، وإن كان يفضل عليا كرم الله تعالى وجهه على أبي بكررضي الله تعالى عنه لا ‌يكون ‌كافرا ‌إلا ‌أنه مبتدع والمعتزلي مبتدع إلا إذا قال باستحالة الرؤية، فحينئذ هو كافر كذا في الخلاصة.ولو قذف عائشة رضي الله تعالى عنها بالزنا كفر بالله... من أنكر إمامة أبي بكر الصديق رضي الله عنه، فهو كافر، وعلى قول بعضهم هو مبتدع وليس بكافر والصحيح أنه كافر، وكذلك من أنكر خلافة عمر رضي الله عنه في أصح الأقوال كذا في الظهيرية.(الفتاوى الهندية، كتاب السير، مطلب في موجبات الكفر، ج:2، ص:264)