شریعت مطہرہ کی رو سے زکوٰۃ کی ادا ئیگی میں بنیادی شرط تملیک ہے (یعنی مستحق  زکوٰۃ شخص کو  مالک) بنانا ہے چاہے زکوٰۃ نقد رقم کی شکل میں دی جائے یا  اس کے علاوہ کسی دوسری جنس سے دی جائےاور فقیر کو اس کا مالک بنا دیا جائے تو زکوٰۃ ادا ہو جائے گی۔

صورت مسئولہ کے مطابق اگر کوئی شخص زکوٰۃ کی مد میں کسی مستحق زکوٰۃ شخص کو  پلاٹ کا مالک بنا دے اور  فقیر کو  پلاٹ پر ہر قسم کے تصرفات  کا حق حاصل ہو جائے تو اس سے زکوٰۃ ادا ہو جائے گی۔

ويشترط أن يكون الصرف ( تمليكا ) لا إباحة۔(الدر المختار،كتاب الزكوة ،باب المصرف،ج:3ص291)

أما الذي يرجع إلى المؤدى  فمنها أن يكون مالا متقوما على الإطلاق سواء كان منصوصا عليه أو لا من جنس المال الذي وجبت فيه الزكاة أو من غير جنسه ۔(بدائع الصنائع ،كتاب الزكوة ،فصل فيما يرجع الى المؤدى،ج:2ص:461)