واضح رہے کہ اسلام میں طلاق کا اختیار شوہر کو حاصل ہے لہذا شوہر جب طلاق دے تو اس سے تاوان نہیں لیا جاسکتا۔ نیز جرگےوالوں کے فیصلہ کا شرعی اصولوں کے موافق ہونا ضروری ہے۔

لہذا صورت مسؤلہ کے مطابق اگر کسی علاقے میں زعمائے جرگہ شوہر سے بیوی کو طلاق دینے کی صورت میں تاوان لیتے ہوں تو شرعایہ جائز نہیں، کیونکہ تاوان جرم کی صورت میں لیا جاتاہےجبکہ طلاق دیناجرم نہیں  کیونکہ طلاق دینے کی شریعت نے اجازت دی ہے۔

قال في الفتح ومنها أي من محاسنه جعله بيد الرجال دون النساء لاختصاصهن بنقصان العقل وغلبة الهوى ونقصان الدين۔ (ردالمحتار على الدرالمختار، كتاب الطلاق، ج:4، ص:429)

"لا يجوز لأحد من المسلمين أخذمال أحد بغير سبب شرعي" ۔ (البحرالرائق فصل في التعزير،  ج:5،  ص:44، دار الکتب العلمیة)