واضح رہے کہ اگر کوئی شخص کسی خاص فرد،کمپنی ،یا ادارہ کی طرف سےکسی خاص وقت میں یا متعین مدت تک کام کرنےپر مامور نہ ہو، بلکہ وہ عام لوگوں کواجرت کےعوض خدمات دے رہا ہو، تو اس کو اجیر مشترک یا اجیر عام کہا جاتا ہے اور اس کے لئےخدمات کے عوض اجرت لینا جائز ہے۔

صورتِ مسؤلہ کے مطابق اگر ایزی پیسہ ریٹیلر کسٹمر کی رقم ایزی پیسہ کےماسٹر اکاؤنٹ (جو دکانداروں کے لیے کھولا جاتاہے )کی بجائےاپنی ذاتی اکاؤنٹ میں منتقل کرکے کسٹمر کونقد پیسے دیتا ہو، اور اس سہولت کے عوض اضافی رقم لیتا ہو،اور قانون کی رو سے اس کی اجازت ہو،تو یہ اضافی رقم لینا جائز ہے، بشرطیکہ کسٹمرکو اس اجرت کے متعلق  پہلے سے آگاہ کیا ہو, تاکہ بعد میں باہم نزاع پیدا نہ  ہو۔

(الأجراء على ضربين: مشترك، وخاص.فالأول من يعمل لا لواحد) كالخياط ونحوه (أو يعمل له عملا غير موقت) كأن استأجره للخياطة في بيته غير مقيدة بمدة كان أجيرا مشتركا وإن لم يعمل لغيره (أو موقتا بلا تخصيص) كأن استأجره ليرعى غنمه شهرا بدرهم كان مشتركا، إلا أن يقول: ولا ترعى غنم غيري، وسيتضح…(ولا يستحق المشترك الأجر حتى يعمل كالقصار ونحوه). (الدر المختار شرح تنویرالأبصار،کتاب الإجارة، باب ضمان الأجیر،ج:9،ص:87-88)