اس میں کوئی شک نہیں کہ قرآن کریم    کی تعلیم حاصل کرنا  ہر مسلمان کے لیے بہت بڑی سعادت اور  ثواب کا عمل ہے  ۔مردوں کی طرح عورتوں کو بھی  اس کے حصول   کا اہتمام کرنا چاہیے  ۔تاہم عورتوں  کی تعلیم میں حد درجہ  احتیاط کرنا  ضروری ہے  اور احتیاط کا تقاضا یہ ہے  کہ عورتوں کے لیے کسی  عالمہ قاریہ  خاتون کا انتظام کیا جائے  ۔البتہ اگر کہیں  سے معلمہ خاتون کا بندوبست  نہ ہو سکے   تو بوجہ ضرورت  ایسے مرد کو  اجازت دی جا سکتی ہے   جو متقی اور پرہیز گار  ہو  اور اس سے کسی قسم کی بے احتیاطی  یا فتنے کا اندیشہ نہ ہو  ،نیز یہ بھی ضروری ہے کہ معلم اور طالبات  کے مابین  مضبوط پردہ  حائل ہو  اور کبھی معلم وطالبہ اکیلے نہ ہوں اور بلا ضرورت گفتکو نہ کریں  ۔اگر مناسب ماحول  اور محفوظ طریقہ   تعلیم بشرائط  مذکورہ موجود ہو  تو بالغ  لڑکیوں  کے لیے  معلم مرد  سے قرآن کریم  کی تعلیم حاصل کرنے کی گنجائش ہے ۔

صورت مسئولہ کے مطابق لڑکیوں  کا  پردہ کے  بغیراستاذ  کے سامنے ہونا   اور لڑکوں لڑکیوں  کو ایک ہی کلاس میں پڑھنا  شرعی نقطہ نظر سے  درست نہیں ۔

قال الله تعالى : ﴿قُلْ لِلْمُؤْمِنِينَ يَغُضُّوا مِنْ أَبْصَارِهِمْ ﴾ (النور:(29)

‌وقد ذكره مسلم صريحا في حديث جابر قال فصلى ثم خطب الناس فلما فرغ نزل فأتى النساء فذكرهن فهذا صريح في أنه أتاهن بعد فراغ خطبة الرجال وفي هذه الأحاديث ‌ ‌استحباب ‌وعظ ‌النساء وتذكيرهن الآخرة وأحكام الإسلام وحثهن على الصدقة وهذا إذا لم يترتب على ذلك مفسدة وخوف على الواعظ أو الموعوظ أو غيرهما. ( شرح النووي على مسلم،كتاب صلاة العيدين،ج:٦،ص:١٧٢)

(وتمنع) ‌المرأة ‌الشابة (من كشف الوجه بين رجال) لا لأنه عورة بل (لخوف الفتنة) ۔ (ردالمحتار على الدر المختار،كتاب الصلاة،ج:2،ص،79)