جو جگہ مالک ِ زمین کی طرف سے  مسجد کے لیے وقف کی جائے اور مالک کی اجازت سے اس میں ایک مرتبہ نماز باجماعت ادا کی جائے تو شرعا ً وہ زمین تاقیامت  مسجد شرعی کے حکم میں ہوتی ہے لہذا پھر اس کا کوئی  بھی حصہ مسجد کے علاوہ  کسی اور مقصد  مثلا وضو خانہ ،یا راستہ کے لیے مخصوص کر نا جائز نہیں۔ نیز واقف اگراپنی زمین مسجد کےلیےوقف کردےاوراس میں کوئی شرط لگادے،تواس کی شرط کااعتبار ہوگاجب  تک وہ شریعت کےمخالف نہ ہو۔

صورت  مسئولہ کے مطابق مسجد کی پرانی تعمیر میں جس جگہ صفیں  تھیں وہ  مسجد شرعی  کا حصہ ہے اس لیے  ان صفوں  کی جگہ راستہ وگزرگاہ  بنانا جائز نہیں ، متولی  یا واقف بھی اس کی اجازت نہیں دے سکتا ،نیز  واقف یا متولی کی اجازت  کے بغیر کسی دوسرے حصہ میں  بھی راستہ نہیں بنا سکتے۔

‌فإن ‌شرائط ‌الواقف ‌معتبرة ‌إذا ‌لم ‌تخالف ‌الشرع، والواقف مالك له أن يجعل ماله حيث شاء ما لم يكن معصية، وله أن يخص صنفا من الفقراء دون صنف، وإن كان الوضع في كلهم قربة.(رد المحتار على الدر المختار، كتاب الوقف، مطلب في وقف المرتد، والكافر، ج:4، ص:343)

‌لو ‌بنى ‌فوقه ‌بيتا للإمام لا يضر لأنه من المصالح، أما لو تمت المسجدية، ثم أراد البناء منع، ولو قال عنيت ذلك لم يصدق.(الدر المختار، كتاب الوقف، ص: 381)

وإن أرادوا أن يجعلوا شيئاً من المسجد طريقاً للمسلمين، فقد قيل: ليس لهم ذلك وإنه صحيح".(المحيط البرهاني، کتاب الوقف، الفصل الحادي والعشرون في المساجد  وهو أنواع: ج:6، ص:96)