زکوۃ کی ادائیگی میں تملیک یعنی مستحق کو مالک بنانا شرط ہے، کسی کے ذمے قرض   رقم معاف کرنے میں تملیک نہیں پائی جاتی، اس سے اس طرح زکوۃ ادا نہیں ہوتی۔

صورت مسئولہ کے مطابق  قرض معاف  کرنے  سے زکوۃ  ادا نہیں ہوگی  البتہ اگر قرض دار  مستحق  زکوۃ ہو تو زکوۃکی  رقم اسے دے کر اس کا مالک بنادیا جائے، پھر وہ رقم اس سے قرض میں وصول کر لی جائے تو اس صورت میں زکوۃ بھی ادا ہو جائے گی اور قرض بھی وصول ہو جائے گا۔

أما تفسيرها فهي تمليك المال من فقير مسلم غير هاشمي، ولا مولاه بشرط قطع المنفعة عن المملك من كل وجه لله - تعالى - هذا في الشرع۔ (الفتاوى الهندية، كتاب الزكوة، ج:1، ص:188)

وإن كان المديون فقيراً فوهب الدين ينوي به زكاة مال عين عند الواهب لا تسقط عنه زكاة۔ (فتاوى قاضي خان، كتاب الزكوة، فصل في هبة الدين من المديون بنية الزكاة، ج:1، ص:162)