جس عورت کا شوہر فوت ہو چکا ہو، اس پر چار ماہ دس دن عدت گزارنا لازم ہے اور عدت اس گھر میں گزارے گی جس میں وہ شوہر کی زندگی میں رہتی تھی،بشرط یہ کہ وہاں پر  رہائش کی صورت میں  کوئی خطرہ نہ ہو، مثلاً: خوف، موت ،ضیاع جان و مال وغیرہ کا خطرہ  نہ ہو ، بصورت دیگراس کے لیے کسی اور جگہ بندوبست کیا جائے گا۔

صورت مسئولہ کے مطابق اگر خاتون کو خاوند کے گھر میں اکیلے عدت  گزارنے میں  کوئی خطرہ  ہو تو   اس کے لیے اپنے والد کے گھر عدت گزارنے میں کوئی حرج نہیں ۔

(وتعتدان) أي معتدة طلاق وموت (في بيت وجبت فيه) ‌ولا ‌يخرجان ‌منه (إلا أن تخرج أو ينهدم المنزل، أو تخاف) انهدامه، أو (تلف مالها، أو لا تجد كراء ) ونحو ذلك من الضرورات.(ردالمحتار على الدرالمختار، ‌‌باب العدة، ‌‌فصل في الحداد،ج:٣،ص:٥٣٦)