واضح رہے کہ معصیت  (گناہ  کے کام )پر قسم کھانا جائز نہیں بلکہ اس کو توڑ کر کفارہ ادا کرنا لازم ہوگا۔

صورت مسئولہ کے مطابق سائل کا  قسم کھانا کہ" اللہ کی قسم میں بھی اس شخص کو قتل كروں گا جس نے میرے بھائی کو قتل کیا"چونکہ کسی کو قتل کرنا گناہ  ہے لہذا اس قسم کا پورا کرنا اس پر لازم نہیں ،البتہ حانث اس صورت میں ہوگاکہ جس کو قتل کرنے کی قسم کھائی ہے وہ اس کی زندگی میں فوت ہوجائے چنانچہ حانث ہونے کے بعد  کفارہ ادا کرے اور اگر قسم کھانے والا اس سے پہلے فوت ہوجائے تو اپنی وفات سے ایک لمحہ قبل حانث ہوگا چنانچہ اس کو وصیت کرنی چاہیئے کہ اگرمیں اس پہلے فوت ہواتو میری طرف سے کفارہ قسم ادا کرلینا۔۔

(ومن حلف على معصية كعدم الكلام مع أبويه ‌أو ‌قتل ‌فلان) وإنما قال (اليوم) لأن وجوب الحنث لا يتأتى إلا في اليمين المؤقتة. أما المطلقة فحنثه في آخر حياته، فيوصى بالكفارة بموت الحالف ويكفر عن يمينه بهلاك المحلوف عليه غاية (وجب الحنث والتكفير) لأنه أهون الأمرين.( رد المحتارعلی الدرالمختار،كتاب الأيمان،ج:3،ص:728)