واضح رہے کہ جب کوئی شخص کسی  کو کوئی چیز ہبہ کردے اور موہوب لہ اس پر قبضہ کرلےتو  موہوبہ چیز موہوب لہ کی ملکیت میں داخل ہو جاتی ہےاور موہوب لہ اس کا مالک بن جاتا ہے چنانچہ پھر وہ اس میں تمام  جائز تصرفات کا حق رکھتا ہے۔نیز ہبہ ان معاملات میں سے ہے، جس میں شرط لگانا لغو اور باطل ہوتا ہے اور ہبہ صحیح اور مکمل ہوجاتا ہے۔

صورت مسئولہ میں اگر والدہ نے اپنی بیٹی کو  زمین ہبہ کی ہو اور اس پر مکمل قبضہ بھی دے دیا ہو، تو بیٹی اس زمین کی مالکہ  ہوگی  اور والدہ کا یہ شرط لگانا کہ "اس زمین کو بیچنے کی اجازت نہیں "یہ شرط فاسد ہے، جو شرعاً معتبر نہیں ، لہذا بیٹی اس زمین کو بیچ کر کہیں اور زمین خرید سکتی ہے۔

"لا يثبت الملك للموهوب له إلا بالقبض هو المختار، هكذا في الفصول العمادية"۔ (الفتاوى الهندية، كتاب الهبة، الباب الثانی فیما یجوز من الھبۃ و ما لا یجوز، ج:4،ص:378) 

"قال أصحابنا جمیعا:إذا وھب ھبة وشرط فیھاشرطا فاسدا فالھبةجائزة والشرط باطل وإن وهب لرجل أمة على أن يردها عليه، أو على أن يعتقها، أو على أن يستولدها، أو وهب له دارا، أو تصدق عليه بدار على أن يرد عليه شيئا منها، أو يعوضه شيئا منها، فالهبة جائزة، والشرط باطل"۔ (الفتاوی الھندیة،کتاب الھبة،الباب الثامن فی حکم الشرط فی الھبة،ج:4،ص:443)