اگر شوہرنے  مہر ادا نہ کیا ہو اور نہ ہی بیوی نے اپنی زندگی میں مہر معاف کیا ہو اور بیوی مر جائے تو اس صورت میں مہر اس عورت کی میراث کا حصہ بن کر اس کے زندہ ورثا میں ان کے حصص کے مطابق تقسیم ہوگا۔ نیز چونکہ شوہر بھی ورثا میں داخل ہے اس لیے اپنے حصے کے علاوہ باقی مہر دیگر ورثا کو حوالہ کرے گا۔

صورت مسؤلہ  کے مطابق اگر کسی شخص نے شادی کے بعد مہر ادا نہ کیا ہو اور نہ  ہی بیوی نے معاف کیا ہو  اور  بیوی دو بچوں کی پیدائش کے بعد وفات پاجائے تو مہر اس عورت کی میراث کا حصہ بن کر اس کے زندہ ورثا کے درمیان ا ن کے حصوں کے مطابق تقسیم ہوگا۔

‌والمهر ‌يتأكد ‌بأحد ‌معان ثلاثة: الدخول، والخلوة الصحيحة، وموت أحد الزوجين سواء كان مسمى أو مهر المثل حتى لا يسقط منه شيء بعد ذلك إلا بالإبراءمن صاحب الحق، كذا في البدائع.(الفتاوى الهندية، كتاب النكاح، الباب السابع في المهر، ج:1، ص:303)