واضح رہے کہ جب کوئی شخص  نذر کو کسی  شرط کے ساتھ معلق کردے تو شرط کے موجود ہونے کے ساتھ نذر کی ادئیگی واجب ہوگی۔

صورت مسئولہ کے مطابق اگر کوئی شخص یہ نذر مانے کہ” اگر میرا یہ کام ہوگیا تو میں ایک ہفتے تک دس ہزار روپے اللہ کے نام پر دوں گا“ ،اوروہ کام ہو جائے، تو اس پر ایک ہفتے تک دس ہزار روپے اللہ کے نام پر دینا واجب ہے، البتہ نذر کی رقم  چونکہ صدقات واجبہ میں سے ہے جوکسی مستحق زکوۃ کی تملیک میں دینا ضروری ہے، اس لیے تملیک کے بغیر نذر کی رقم ٹرسٹ میں خرچ کرنا جائز نہیں بلکہ مستحق زکوۃ کی ملکیت میں دینے سے نذر کی ادائیگی درست ہوگی۔

(ووجد الشرط) المعلق به (لزم الناذر) لحديث "من نذر وسمى فعليه الوفاء بما سمى"( كصوم وصلاة وصدقة)۔ (الدالمختار علی صدر ردالمحتار، كتاب الأيمان، ج5، ص516،517(

(أي مصرف الزكاة والعشر ) وهو مصرف أيضا لصدقة الفطر والكفارة والنذر وغير ذلك من الصدقات الواجبة۔ (ردالمحتار علی الدرالمختار، کتاب الزکوۃ، ج:3، ص:283)