"عاق"کا معنی ہے "والدین کی نافرمانی کرنے والا "۔  لہذا والدین کا نافرمان  بہر حال "عاق "ہوتا ہے، البتہ میراث ایک ایسا حق ہے،  جس کو کوئی شخص ختم نہیں کرسکتا، لہذااگر باپ کسی بیٹے کوعاق کرے تو اس سے وہ میراث سے محروم نہ ہوگا، چنانچہ عاق شدہ بیٹا بھی میراث کا حقدار ہوتا ہے، تاہم اگر باپ نے زندگی میں اپنی سب جائیداد اورمال و دولت دوسرے ورثا میں تقسیم کرکے ان کو قبضہ دے دیا ہو اورعاق کردہ بیٹے کو کچھ نہ دیا ہو تو پھر باپ کے مرنے کے بعد عاق شدہ بیٹے کو مطالبہ کا حق نہیں۔

لہذا صورت مسئولہ کے مطابق اگر باپ  بیٹے  کو جائیداد سے عاق کردے، تو اس سے وہ میراث سے محروم نہ ہوگا۔

وعن أنس قال: قال رسول الله صلى الله عليه و سلم :"من قطع ميراث وارثه قطع الله ميراثه من الجنة يوم القيامة".(سنن ابن ماجه، باب الوصايا، الفصل الاول،ج:2،ص:197،رقم الحديث:3078)

الإرث جبري لايسقط بالإسقاط.(ردالمحتار على درالمختار،كتاب الدعوي، باب التحالف،ج:11،ص:678)

لا يجوز لأحد من المسلمين أخذ مال أحد بغير سبب شرعي.(البحرالرائق،كتاب الحدود، فصل في التعزير،ج:5،ص:68)