واضح رہے کہ نکاح کے وقت جو مہر مقرر ہوجائے وہ بیوی کا حق ہوتاہے، اور شوہر پر اس کا ادا کرنا واجب ہو تاہے، چنانچہ مہر مؤکدہونے کے بعد جب تک  بیوی اسے معاف نہ کرے اس وقت تک ساقط نہیں ہوتا اگرچہ بیوی کو طلاق دی جائے۔

صورت مسؤلہ کے مطابق اگرواقعی شوہر نے نکاح والا مہر ادا نہیں کیا تھا اور بیوی نے معاف بھی نہیں کیا تھا تو شوہر پر اس مہر کی ادائیگی بھی لازم ہے،  طلاق سے وہ ساقط نہیں ہوا، چنانچہ بیوی کو اس مہر کے مطالبہ کرنے کا حق حاصل ہے۔

وإذا خلا الرجل بامرأته وليس هناك مانع من الوطء ثم طلقها فلها كمال المهر۔ (الهداية، كتاب النكاح، باب المهر، ج:3، ص:58)

فالمهر يتأكد بأحد معان ثلاثة. الدخول والخلوة الصحيحة وموت أحد الزوجين، سواء كان مسمى أو مهر المثل حتى لا يسقط شيء منه بعد ذلك إلا بالإبراء من صاحب الحق۔ ( بدائع الصنائع، کتاب النکاح، فصل بيان ما يتأكد به المهر، ج:3، ص:291)