جب قرض دار قرض ادا کرے، تو اس کے لیے ضروری ہے کہ وہ قرض لی ہوئی رقم قرض دینے والے کی ملکیت میں دے یا اس کی اجازت سے کسی دوسرے شخص کو حوالہ کرے، چنانچہ اگر قرض دار  نے قرض دینے والے کو یا اس کے وکیل کو مالک نہ بنایا ہو، تو  ہلاک ہونے کی صورت میں مقروض ضامن ہوگا، اور اس کا ذمہ قرض کی ادائیگی سے فارغ شمارنہ ہوگا۔

صورت مسئولہ کے مطابق اگر مقروض نےقرض والی رقم قرض دینے والےکے سامان کے درمیان رکھی ہو جب کہ  قرض دینے والا شخص سویا ہوا تھا اور پھر وہ رقم چوری ہوگئی ہو، تو چونکہ اس صورت میں وہ رقم قرض دینے والے کی ملکیت میں نہیں آئی ہے، لہذا چوری ہونے والی رقم مقروض کی شمار ہوگی، اور اس کے ذمے قرض کی ادائیگی بدستور باقی رہے گی۔

إذا أتى الوديعة ووضعها في منزل المودع فضاعت ضمن المستودع، وكذا لو دفعها إلى ابن المودع أو إلى عبده أو إلى أحد ممن في عياله فضاعت ضمن وكان القاضي الإمام أبو عاصم العامري يفتي به، وقيل: المودع إذا رد الوديعة إلى من في عياله لا يضمن، وقال المتأخرون: يضمن، وعليه الفتوى، كذا في جواهر الأخلاطي.(الفتاوى الهندية، كتاب الوديعة، الباب السابع: في رد الوديعة، ج:4، ص:304)