شریعت مطہرہ کی رو سے میت کی تجہیز و تکفین کے بعد سب سے پہلے اس کے ترکہ سے اس کے ذمے واجب الادا قرض ادا کرنا ضروری ہے۔قرض کی ادائیگی کے بعد اگر مرحوم نے وصیت کی ہو تو بقیہ مال کے تہائی حصے سے وصیت ادا کی جائے گی اور اس کے بعد بقیہ مال ورثا میں تقسیم کیا جائے گا۔

صورت مسئولہ کے مطابق مرحوم کے ورثا پر لازم ہے کہ  سب سے پہلے مرحوم  کے ترکہ سے قرض ادا کریں اس کے بعد میراث  تقسیم کرسکتے ہیں، قرض ادا کرنے سے پہلے ورثا میراث تقسیم کرنے کے حق دار نہیں۔

"(ثم) تقدم (ديونه التي لها مطالب من جهة العباد).... (ثم) تقدم (وصيته)... (ثم يقسم الباقي) بعد ذلك (بين ورثته)أي الذين ثبت إرثهم بالكتاب أو السنة۔"۔(الدر المختار، كتاب الفرائض، ج:10، ص:532)

"ثم تقضى ديونه من جميع ما بقي من ماله، ثم تنفذ وصاياه من ثلث ما بقي بعد الدين، ثم يقسم الباقي بين ورثته"۔(السراجي، الحقوق الأربعة المتعلقة بتركة الميت، ص:14)