واضح رہے کہ اگر کسی نے ایسی جگہ رقم دینے کی نذر مانی   ہو جو نذر کا مصرف ہی نہ ہو تو اس سے نذر منعقد نہیں ہو گی، لہذا  اس کو پورا کرنا ضروری نہیں۔

صورت مسئولہ کے مطابق اگر کسی نے یہ کہا یہ" میرا فلاں کام ہو گیا تو میں اتنی رقم مسجد میں دوں گا "تو  یہ نذر منعقد نہیں ہو گی، کیونکہ مسجد میں رقم  دینا نہ فرض ہے اور نہ واجب ہے۔ نیز مسجد نذر کی رقم کا مصرف بھی نہیں  کیونکہ نذر  کی رقم کسی مستحق زکوٰۃکی ملکیت میں دینا ضروری ہے اسی طرح نذر کی رقم پر مسجد کی ملکیت ثابت نہیں ہوسکتی ۔ لہذا ایسی  نذر پوری کرنا ضروری نہیں البتہ ایک نیک کام میں خرچ کرنے کا وعدہ ہونے کی حیثیت سے اس مسجد میں اتنی رقم خرچ کرنی چاہئے۔

ومن ‌شروطه ‌أن ‌يكون قربة مقصودة فلا يصح النذر بعيادة المريض، وتشييع الجنازة، والوضوء، والاغتسال، ودخول المسجد، ومس المصحف، والأذان، وبناء الرباطات والمساجد وغير ذلك، وإن كانت قربا إلا أنها غير مقصودة اهـ فهذا صريح في أن الشرط كون المنذور نفسه عبادة مقصودة لا ما كان من جنسه، ولذا صححوا النذر بالوقف لأن من جنسه واجبا وهو بناء مسجد للمسلمين كما يأتي مع أنك علمت أن بناء المساجد غير مقصود لذاته۔(ردالمحتار على الدرالمختار،كتاب الأيمان،ج:3ص:735)

وفی القنیۃ:نذر ‌التصدق ‌على الأغنياء لم يصح ۔(رد المحتار على الدر المختار،کتاب الأيمان،ج:3ص:738)