شریعتِ مطہرہ کی رو سے ثبوتِ رضاعت کے لیے  کم از کم دو مرد،یا ایک مرداوردو خواتین کی گواہی ضروری ہے، کسی ایک عورت کا قول رضاعت کے ثبوت کے لیے کافی نہیں ۔البتہ اگر خبر دینے والی خاتون قابلِ بھروسہ ہو تو بہتریہ ہے کہ یہ نکاح نہ کیا جائے۔

صورتِ مسئولہ میں لڑکی کی والدہ کا یہ کہنا کہ" میں نے اس لڑکے کو دودھ پلایا ہے" ،اگراس دعویٰ پردومرد،یا ایک مرداوردو عورتیں بطور گواہ موجود نہ ہوں توصرف اس کے دعویٰ سےحرمتِ رضاعت ثابت نہ ہو گی۔ تاہم اگر دعویٰ کرنے والی خاتون قابل اعتبار ہواور اس کے دعویٰ سےشبہ پیدا ہو رہا ہوتو پھرنکاح کے معاملے میں  احتیاط کا تقاضہ یہ ہے کہ اس سےاجتناب کیا جائے۔

"وإذا شهدت امرأة على الرضاع، فالأفضل للزوج أن يفارقها لما روي عن محمد أن عقبة بن الحرثقال تزوجت بنت أبي إهاب، فجاءت امرأة سوداء فقالت:إن أرضعتكما فذكرت ذلك لرسول الله -صلى الله عليه وسلم- فقال صلى الله عليه وسلم: فارقها، فقلت: إنها امرأة سوداء، وإنها كيت وكيت فقال صلى الله عليه وسلم كيف وقد قيل." ( بدائع الصنائع، کتاب الرضاع،  ج:5، ص: 106)

"حجته حجة المال، وهی شھادۃ عدلین، أوعدل وعدلتين، وأفاد أنه لايثبت بخبرالواحد امراة كان، أو رجلا قبل العقد أو بعده."(ردالمحتارعلی الدرالمختار، باب الرضاع، ج:4، ص:420)