واضح رہے کہ زمين كی پیداوار میں عشر اور نصف عشر کا دارومدار ،مشقت اور خرچ پر ہے،اس لیےاگر زمین بارش یا قدرتی چشموں کے ذریعے براہ راست سیراب کی جاتی ہو تو اس میں عشر واجب ہوگا ،لیکن اگر کسی اور طریقے سے سیراب کی جاتی ہو جس میں بوجھ، خرچ اور مشقت کو بھی دخل ہو تو اس میں نصف عشر واجب ہوگا۔

صورت مسؤلہ میں چونکہ  نہر کا پانی زمین تک پہنچانے کے لیے  نالہ کی صفائی وغیرہ میں محنت ومشقت  کرنی پڑتی ہے، اس طرح  ماہانہ پانی کا انتظام کر نے  والے شخص کو تنخواہ دی جاتی ہے ،اس ليے مشقت اور خرچے كی وجہ سے اس نہر سے سیراب کی ہوئی زمین کی  پیداور میں نصفِ عشر یعنی بیسواں حصہ واجب ہوگا  ۔

‌

ثم ‌ماء ‌العشر ماء البئر حفرت في أرض العشر، وماء العين التي تظهر في أرض العشر، وكذلك ماء السماء، وماء البحار العظام عشري.(الفتاوى الهندية، كتاب الزكوة، باب زكوة الزروع والثمار،ج:1، ص:186،187)

(قوله: لكثرة المؤنة) علة لوجوب نصف العشر فيما ذكر... ‌ولو ‌رفعت ‌المؤنة كان الواجب واحدا وهو العشر دائما.(رد المحتار على الدر المختار، كتاب الزكوة، باب العشر، ج:3، ص:268)