واضح رہے کہ  عاریت میں دی ہوئی چیز امانت کے حکم میں ہوتی ہے ،اگر وہ ہلاک ہو جائے تو اگر ہلاک ہونے میں عاریت پر لینے والے کا کوئی عمل دخل نہ ہو اور اس کی حفاظت میں کسی قسم کی کوئی کوتاہی بھی نہ کی ہو تو اس کا ضمان اس پر نہیں آئے گا ، لیکن اگر وہ اس کی غفلت و کوتاہی یا تعدی کی وجہ سے ہلاک ہوجائے تو اس  پر ضمان لازم ہوگا۔

صورت مسؤلہ کے مطابق اگر گائے سائل کی غفلت کی وجہ سے بیمار نہ ہوئی ہوبلکہ خود بیمار ہوکر مری ہو تو اس پر تاوان نہیں آئے گا لیکن اگر غفلت اور معروف طریقے سے دیکھ بال نہ کرنے کی وجہ سے گائے بیمار ہوئی ہو تو  پھر سائل پرضمان لازم ہوگا  ۔

العارية ‌هي ‌المال الذي تمتلك منفعته لآخر مجانا أي بلا بدل ويسمى معارا أو مستعارا أيضا.(دررالحکام  فی شرح مجلۃ الاحکام، الکتاب السادس الامانۃ، مادۃ:765،ج:2، ص:227)

‌وحكمها: ‌كونها ‌أمانة. وشرطها: قابلية المستعار للانتفاع وخلوها عن شرط العوض لانها تصير إجارة... ‌ولا ‌تضمن ‌بالهلاك من غير تعد) وشرط الضمان باطل... فإن آجر) المستعير (أو رهن فهلكت ضمنه المعير) للتعدي.(ردالمحتار على الدر المختار، كتاب العارية، ج:8، ص:474، 476، 477)