واضح رہے  کہ  کسی زمین  کو وقف  کرنے کی نیت  سےاور اس کی تعیین کرنے سے وہ زمین وقف نہیں ہو گی  ،بلکہ وقف تام  ہونے کے لیے ضروری ہے کہ وہ زمین  جس مقصد کے لیے  وقف کی ہو اس  مقصد میں کم از کم ایک مرتبہ استعمال بھی ہو جائے ،اس کے بعد یہ زمین وقف  کہلائے گی جس کوتبدیل کرنا جائز نہیں ہو گا۔

صورت مسئولہ کے مطابق اگر کسی نے 15 مرلہ زمین  وقف کرنے کے لیے معین  کی ہو تو  محض نیت  کرنے اور زمین کی تعیین کرنے سے یہ وقف تام نہیں ہوا ،لہذا  اگر زمین کو فروخت کرنے کے بعد کسی دوسری جگہ زمین خرید کر وقف کرنا چاہے تو یہ جائز ہے۔

فأما ركنه فالألفاظ الخاصة ‌الدالة ‌عليه۔(الفتاوى الهندية،كتاب الوقف،ج2 ،ص352)

من بنى مسجدا لم يزل ملكه عنه،حتى يفرزه عن ملكه بطريقه،ويأذن بالصلوة فيه،فاذا صلى فيه واحد زال ملكه۔(كنزالدقائق،كتاب الوقف،ص:405)