"شاہ" اور "میر" دونوں فارسی زبان کے الفاظ ہیں، دونوں الفاظ کےمختلف معانی   ہیں۔ لیکن اکثر ان الفاظ کا استعمال بادشاہ اور سردار کے معنی میں ہوتا ہے،اس لحاظ سے  "شاہ میر" کا یہ معنی ہو سکتا ہے کہ "سرداروں کا بادشاہ"۔ یہ نام  رکھنے کی گنجائش  ہے اور اس کے ساتھ ’’محمد‘‘ لگانا بھی جائز ہے، البتہ اس میں مبالغہ پایا جاتاہے اور حدیثِ مبارکہ میں نبی کریم صلی اللہ علیہ وسلم نے مبالغہ آمیز ناموں کو ناپسند فرمایاہے۔  لہذا اس کی  بجائے انبیاء وصلحاء کے ناموں میں سے کسی نام کا انتخاب کر کے اس کے ساتھ ’’محمد‘‘ لگالینا زیادہ بہتر ہے۔

عن أبي هريرةؓ، قال: قال رسول اللَّه صلى الله عليه وسلم: أخنع الأسماء يوم القيامة عند الله رجل تسمى ملك الأملاك. قال سفيان: يقول غيره: تفسيره شاهان شاه.(صحيح البخاري، كتاب الأدب، باب أبغض الأسماء الى الله، ج:2، ص:916.)

التسمیة باسم لم یذکره الله تعالی فی عباده ولا ذکر رسول الله صلی الله علیه وسلم ولا يستعمله المسلمون تکلموا فيه، والأولی أن لا یفعله.(رد المحتار على الدر المختار،كتاب الحظر والإباحة،باب الاستبراء وغيره،ج:9،ص:599)

شاه: بادشاه، سلطان( فیروز اللغات، (مادہ: ش۔ا)، ص:882.)

میر: امیر کا مخفف، سردار ( فیروز اللغات، (مادہ: م-ی)، ص:1393.)